Descripción
Om stillinga Er du klar for å ta ei avgjerande rolle i etterforskinga av dei mest alvorlege straffesakene til politidistriktet? Vi ser etter dyktige analytikarar som trivst med tempoet, presset og jakta i den innleiande fasen, men som også har tolmodet og nysgjerrigheita som trengst for å gå i djupna i langvarige og detaljerte analysar. Arbeidstad for stillinga som fagansvarleg er enten Ålesund eller Molde. Ved eit eventuelt internt opprykk til stilling som fagansvarleg kan det i tillegg bli ledig ei fast stilling som operativ kriminalanalytikar. Fagområdet operativ kriminalanalyse er stadig i endring, og blir meir styrt av den teknologiske utviklinga. Informasjonsmengdene blir større, og du må evne å bli med på denne utviklinga, og dessutan handtere endringar og nye måtar å løyse utfordringane på. Dette gjer at du må ha kompetanse og interesse for IT og programvare. Som fagansvarleg operativ kriminalanalyse vil du ha fagforvaltningsansvar for telefoni, Mercure og operativ kriminalanalyse - og samtidig hjelper du med operative kriminalanalysar i dei mest kompliserte sakene, under dette etterforskingsbistand til politidistriktet. I tillegg har funksjonen distriktsansvar for fagutvikling og metodeutvikling innan operativ kriminalanalyse. Seksjonen har eit godt fagleg arbeidsmiljø der kompetanseutvikling står høgt på dagsorden. Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng. Dette ser vi etter hos ein ny medarbeidar Vi søkjer ein erfaren og strukturert medarbeidar med sterk digital kompetanse og evne til kritisk tenking. Du jobbar målretta og systematisk, har god for